Page 342 - Алаатыыр Ала Туйгун. 2-с үйэтэ

Үс үҥкүү
Күөҕэл-нусхал
Удаҕан битииһиттэнэн
Налыс гына түстэ.
14130 Ол гынан баран
Бүтэй бөлүүп көмүс*
Төгүрүк түөлбэ
Хаан түҥүрүн
Кытыылыыр сылгы
Кымньыылаах холун саҕа
Кынаҕар мэтэгэр
Аан дьарылҕан былаайаҕынан
Үс төгүл
Лүҥкүнэччи охсон кэбистэ.
14140 Түөртэтөгүрүйдэ,
Сэттэтэ чэччилээтэ,
Охсуһа турар бухатыырдары,
Уоттаах сулус курдук,
Хатааннаах хараҕынан
Уллуҥахтарын оройутган
Орой тымырдарыгар диэри
Супту одуулаата,
Уҥуохтарын сулаһыныгар диэри
Өтөрү көрдө*,
14150 Кыыһырбыт сигилитэ
Сындыыс уот буолан сыыйылынна,
Абарбыт санаата
Аан чаҕылҕан буолан сандаарда.
Уордайбыт уоҕа
Уот тууспан буолан,
Уһуутуу субуруйда.
Төбөлөрүн оройунан,
Орой тымырдарынан
Күдэн күүстэрин,
14160 Модун уохтарын
Төлөннөөх оһох
Буруотун курдук
Супту оборон,
Куугунаппытынан барда.
Алаатыыр Ала Туйгун
Ардьамаан-Дьардьамаанныьш
Тутуспутунан тураннар,
Төйүөрэ төйөн,
- 334