Page 345 - Алаатыыр Ала Туйгун. 2-с үйэтэ

Аллаах айаннаах
Күүстээх үтүө көлө оҥостон,
Күн өркөн уустара
Күн бүгүнүгэр диэри
Ардьамаан-Дьардьамаан
14260 Бухатыыр күүһүттэн
Туһана сылдьаллар үһү.
Кинилэр диэтэх дьон
Хардааччы сигилилэрин,
Өһөс өйдөрүн
Супту оборон ылан,
Аан дайды
Адьырҕа кыылларыгар анаан,
Өрө үрэн,
Өрүкүтэн кэбиспитэ —
14270 Аан дайды
Адьырҕа кыылларыгар
Үлтү охсуллан
Үллэһиллэн хаалта үһү.
Онтон ыла
Оһуор хара тыа
Ойдом улаҕатыгар
Түбэспиттэрин эрэ
Тутан сиир,
Хара тыа
14280 Хатан хардааччылара,
Ардай аһыылаахтара,
Адьырҕа кыыллара,
Сырҕан эһэлэрэ,
Торҕон бөрөлөрө,
Аатырар аан хара тыаҕа арҕахтанан,
Куйаар тыаҕа хорҕойон,
Үҥэр үрэх баһыгар
Бүгэн-иһийэн,
Мэнээхтээн-мэччийэн,
14290 Үөскээбиттэрэ үһү.
Онтон ыла
Бу көстөр күн анныгар,
Бу сириэдийэн үөскээбит
Сир үрдүгэр
Алаатыыр Ала Туйгун,
Ардьамаан-Дьардьамаан
Бухатыырдар курдук
- 337 -