Page 344 - Алаатыыр Ала Туйгун. 2-с үйэтэ

Оборон ыла турар
Омуна тохтоото,
Уоскуйан намыраата.
Ити икки ардыгар
Күүстэрин төбөтүнэн аҥаарын
Супту оборон ылбыт эбит.
Алаатыыр Ала Туйгун
Күүһүн аҥаарын
14220 Аан дойдуга
Үөскээн турар
Ынах-сьшгы сүөһүгэ
Анаан үллэһиллэр гына
Өрө үрэн өрүкүтэн кэбистэ.
Онтон ыла
Сылгы-ынах сүөһү
Сылайбат сындааһыннаах,
Элэйбэт иҥиирдээх
Ыары ыҥыырдар,
14230 Ыараханы тардар
Күүстээх-уохтаах
Көлүйэр көлө,
Миинэр миҥэ буолан,
Күн айыы аймахтара
Күн бүгүнүгэр диэри
Ол Алаатыыр Ала Туйгун
Күүһүттэн туһана сылдьаллар үһү.
Ардьамаан-Дьардьамаан бухатыыр
Күүһүн аҥаарын
14240 Тайах-таба кыылга анаан,
Үлтү охсуллан
Үллэһиллэн хаалар гына,
Өрө үрэн кэбиспитэ —
Тайах-таба кыылга
Үллэһиллэн хаалта үһү.
Онтон ыла
Таба коло
Сылайбат сындааһыннаах,
Элэйбэт иҥиирдээх,
14250 Илистибэт эттээх,
Уйадыйбат унуохтаах,
Уҥмат тыҥалаах,
Быһый атахтаах,
Сыьщам сырыылаах,
- 336 -