Page 346 - Алаатыыр Ала Туйгун. 2-с үйэтэ
P. 346
Күүстээх-уохтаах
Дуолан бухатыыр
14300 Хамсыыр харамай
Тыынар тыыннаах
Үөскээбэтэҕэ үһү.
Аҕыс айыы төрдүттэн түспүт
Дьөһөгөй Тойон
Аччыгый кыыһа
Аан Чааҕырдаан удаҕан:
Аны мантан антах
Бу уолан бараммат
Убаҕас, дьэҥкэ уулаах,
14310 Уостан бараммат
От-сибэкки кырыстаах,
Охтон бараммат
Уһун дьылхан мастаах,
Ойон тахсар күннээх,
Ойоҕолоон тыгар ыйдаах,
Отут ургунньахтаах,
Орто туруу дьоҕул дойду
Улай-дьэҥкэ киинигэр
Олохсуйан үөскээбит
14320 Уу харахтаахха,
Иннинэн сирэйдээххэ,
Икки атахтаахха,
Аны маннык
Буолунай улахан
Модун күүһү
Айыахпыт суоҕа,
Ол оннугар
Үтүө өйү,
Сайаҕас санааны
14330 Айан биэриэхпит.
Оччоҕо
Аҕыс уон
Ааһар бөҕө албаһынан,
Куотар бөҕө кубулҕатынан
Күн айыы аймахтара
Көстүбэт бөҕөнү көҕүрэтиэхтэрэ,
Адьарай бөҕөнү аҕыйатыахтара, — диэн,
Алгыс алҕаан,
Андаҕар этэн,
14340 Арахпыта баара үһү.
- 338 -
