Page 348 - Алаатыыр Ала Туйгун. 2-с үйэтэ

Сылайар сындааһыннаах,
Уйадыйар унуохтаах буолан,
Охсуһуу күүһүттэн
Уйбакка-тулуйбакка,
Охтон биэрэн,
Өлөн өһөн
14390 Хаалта буоллар,
Кэнэҕэски дьоҥҥо,
Кэнчээри ыччакка
Кэмсилгэннээх-хомолтолоох,
Кэлэйиилээх-хоргутуулаах
Кэпсээҥҥэ сылдьыа этибит,
Сэттээх-сэлээннээх,
Сэмэл ээх-сугосал аах
Сэһэҥҥэ киириэ этибит,
Хомолтолоох-хоргутуулаах
14400 Хоһооҥҥо туойуллуо этибит,
Тэҥнээх сэтэ,
Холоонноох хоһута,
Үөлээннээх үөҕүүтэ,
Буолар эбиппитдэсиһэн,
Кыратган даҕаны
Сылтанан баран,
Кыһыл тыл кыһыытыттан
Кыырыктаах охсуһууну охсуһан,
Кыһыл эппитин
14410 Кырбастаһа сыстыбыт.
Тыл баҕайы
Чыыбыргыыр кыһыыта
Чыпчахайынан таһыйардаарр
Сытыы эбит,
Кыһыл тыл
Кыдьыктаах кыыбаҕата
Кымньыынан таһыйардааҕар
Кытыан эбит.
Ордук хоһу тыл
14420 Оботтоох сүлүһүнүн кэриэтэ
Уотунан таҕаттарбыт
Ордук буолсу,
Этэр тыл эгэлгэтин
Элэмэстээх эриэнэ,
Имэҥнээх соллоҥо
Иирээннээх-илбистээх эбит.

340 -