Page 349 - Алаатыыр Ала Туйгун. 2-с үйэтэ

Уос-тиис
Оботтоох тууһа
Оһоллоох ороскуоттаах буолсу.
14430 Саҥарар саҥа
Дьаабыта суох дьалаҕайа
Садыамнаах-айдааннаах эбит,
Кыра суолтан
Кыһыл тыл кыыбаҕатын
Кыанарга сөп эбит,
Саарбах суолтан
Саҥарар саҥа дьалаҕайын
Тардынарга сөп эбит,
Дьоҥҥо-сэргэҕэ
14440 Толоос-дохсун тылы
Туттунарга сои эбит,
Аартыкка суолга
Айах бөҕө
Аптаах абатын
Аччатарга сои буолсу.
Сиргэ-дайдыга
Сээтээх-сэлээннээх тылтан
Сэрэнэргэ сөп эбит дэсиһэн,
Төрөтөр оҕолорун сүбэлиэх,
14450 Үүнэр ыччатгарын үөрэтиэх,
Кэнэҕэски кэнчээри
Кэрэ-үтүө дьонноругар
Кэпсээн оҥостон,
Сэһэргээн сэрэтиэх буолан,
Санаа табыллар
Саҥатын саҥарсан,
Сигили тупсар
Сэһэнин сэһэргэһэн,
Сүрүн көнөр
14460 Сүбэтин сүбэлэһэн,
Кэскиллээх үтүө
Кэс тылы кэпсэтиһэн,
Ис сүрэхтэн
Эйэлээх доҕор
Истиҥ табаарыс буолар туһугар
Хойуккутун даҕаны
Күндүтүк көрсөргө,
Ботуччу ботуонжаны,
Лөкө төргүүнү сүөрэн,
341
-