Page 350 - Алаатыыр Ала Туйгун. 2-с үйэтэ

14470 Хоой хостуурдаах,
Хоннох аһардаах
Батыччы мааныны,
Бэлтэччи бэлэҕи
Бэрсиһэр буолуохпут диэн,
Биир соҕотох бигэ тылы,
Ааспат-арахпат андаҕары
Андаҕаспыттара үһү.
Онуоха буоллаҕына
Ардьамаан-Дьардьамаан бухатыыр
14480 Урут тыл этэ
Саҥа саҥара олордо:
— Алаатыгар, алаатыгар оҕолоор!
Атаска холуйбатах
Аналлаах-миҥэллээх атаскааным,
Доҕорго холуйбатах
Дьоһуннаах үтүө доҕоруом!
Бу муҥурун булларбатах
Муус Кудулу байҕал
Буурҕалаах-силлиэлээх
14490 Модьоҕотун үрдүгэр
Туората-устата биллибэт
Туманнаах толооннорбутган
Часкыйар саталаах,
Кыскыйар кыыдааннаах,
Кырыа көмнөх үллүктээх
Кыйаар сис тыаларбыттан
Халлааҥҥа тиийээри,
Харбаһан тахсыбыт
Хаардаах-арҕастаах
14500 Адаардаах төбөлөөх
Аарыма хайаларым
Аата-ахсаана биллибэт
Аҥылган аппаларытган,
Айаан үрэхтэрбиггэн,
Былыты үрдүнэн
Быган турар
Мылаада маҕан
Таас хайаларбытган,
Сэттэ уон
14510 Буурҕалаахтурууктарбыттан,
Аҕыс уон халарыктаах
Аан хара тыаларбытган,

- 342 -