Page 351 - Алаатыыр Ала Туйгун. 2-с үйэтэ

Бастар бараммат
Баһаам элбэх
Балысхан баайыгган,
Үүрдэр бүппэт
Үгүс элбэх
Үллэр булдуттан,
Хатан-хардааччытьш
14520 Ардай аһыылааҕын
Адьырҕа кыылларытган,
Дьорохоно сотолооҕуттан,
Эргэнэ бэйэлээҕиттэн,
Мэнээх табатытган,
Боһомо бууруттан,
Сырҕан эһэтиттэн,
Торҕон бөрөтүттэн,
Суон унуохтааҕы,
Уһун уллуктааҕы охтордохпуна,
14530 Хатан харылааҕы хайыттахпына,
Бөҕө бүлтэстээҕи үлтүрүттэхпинэ,
Бөртөлөөҕүн* үтүөтүн,
Сэбэрэлээҕин бэрдин,
Үллүк үтүө түүлээҕин
Эйиэхэ аныаҕым.
Кырса кырынаас кылааннааҕын,
Саарба саһыл талыытын,
Үүс бэдэр үтүөтүн,
Кэрэмэһин кичэллээҕин,
14540 Буурайын мунугуурун,
Бука барытын
Эйиэхэ аныаҕым.
Дьэбидийэр дириҥ далайдарым,
Дьирбии долгун күөллэрим,
Күрүлгэн үрэхтэрим
Күөх салыҥнааҕын,
Халыҥ хайыылааҕын,
Араҕас хаһалааҕытган,
Ньалҕарыйар тастааҕыттан,
14550 Чүүччэҕим томороонун,
Хайҕаллаах хатыыспын,
Билим бэрдин,
Балыгым бастыҥын,
Барытын эйиэхэ аныаҕым.
Атаска холуйбатах
- 343 -