Page 352 - Алаатыыр Ала Туйгун. 2-с үйэтэ

Аналлаах-мүнэллээх атаскааным,
Доҕорго холуйбатах
Дьоһуннаах үтүө
Доҕорум оҕотоо!
14560 Эрэмньи тылбын эттим,
Эрэллээх санаабын биллэрдим, — диэтэ.
Онуоха буоллаҕына
Алаатыыр Ала Туйгун
Саманнык диэн,
Саҥа саҥара
Олорбута эбитэ үһү:
— Дьиэ буо, дьиэ буо!
Ү үннээх-ыныырдаах
Үөлээннээх үтүө доҕоруом,
14570 Өрүөбүт уоһум
Үгэтин өйдөө,
Хоммут уоһум
Хоһоонун холобурдаа.
Бу илин өртүбүн
Эргиччи көрдөхпүнэ,
Аҕыс өргөстөөх
Саргылаах сардаҥалаах
Аламай маҥан күнүм
Сандаарыччы тыган,
14580 Лаглайа ойон тахсар
Чаҕылыйар арҕастаах
Сарбынньах таас хайа
Дьарҕааланар дьайыҥнаах,
Соҕуруу диэки өртүбүн
Тула көрүннэхпинэ,
Тоҕус өргөстөөх
Туламан маҥан күнүм
Туналыйар сырдыгар
Толбоннура оонньуур соһу күөх
14590 Туруук хайа тулалаах,
Арҕаа диэки өртүбүн
Арыйа баттаан көрдөхпүнэ,
Киирэн эрэр күнүм
Кэтэх өртүгэр
Кистээн саһыарар
Кэрдиис таас хайа
Киэркэйэр эркиннээх,
Хоту өртүбүн

- 344 -