Page 353 - Алаатыыр Ала Туйгун. 2-с үйэтэ

Хантас гынан көрдөхпүнэ,
14600 Хоҥор хаас төбөтүн курдук
Кугдарыйан көстөр
Күкүр таас хайалар
Күөнтэһэн турар
Күлүгүрэр күөх кунустаах,
Иһэҕэйдээх оттоох-мастаах,
Ил биргэстээх- симэхтээх
Ийэ бараан дайдым
Киэргэллээх кэтит иэнигэр
Кистэнэн саһыарыллан сытар
14610 Кичэмэ булуутуттан,
Кэрэ дьүһүннээҕиттэн,
Киэргэл өҥнөөҕүттэн
Сиэдэрэй эриэккэс
Сибэкки оту
Дьикти кэрэ сэбирдэҕи буллахпына,
Эйиэхэ аныаҕым.
Чаҕылҕан уота
Сандаара иҥмит
Сардыргыыр кыымнаах,
14620 Күндүл маҕан
Күн уота
Күл үмүрд үү иҥмит
Күндү кэрэ
Чаҕылыйар өҥнөөх
Уоттаах тааһы буллахпына,
Эйиэхэ аныаҕым,
Аһыҥас соҕус амтаннаах,
Арылыйар сырдык дьүһүннээх
Ыраас-дьэҥкэ ууну
14630 Утах гиэнэ бэрдин буллахпына,
Курас соҕус амтаннаах
Хоччохой от
Хара сүмэтин буллахпына,
Орто дойду
Оһуордаах отутган-маһьггтан
Оһуобай үтүө
От туорааҕын буллахпына,
Эйиэхэ аныаҕым.
Бу туората-устата биллибэт
14640 Торҕо күөх
Туйа маҕан дойдубуттан,
345