Page 354 - Алаатыыр Ала Туйгун. 2-с үйэтэ

Күлүмүрдүүр күлэр
Дьэҥкэ Байҕалларбытган,
Унаарыйа устар
Уһун субурҕа үрэхтэрбиттэн,
Көҕөрө долгуйар
Күөх мыраан тыаларбыттан
Сонургуу көрөн
Дьоһун үтүө
14650 Туһалааҕы буллахпына,
Доҕорбор эйиэхэ
Туппутунан кэлиэҕим.
Бука кырдьык тылым
Бу буолар.
Буойака! — диэтэ.
Иккиэн эппит тылларын
Ис сүрэхтэриттэн сөбүлэһэн
Аны эн биһиги
Хатааннаах санаабыт хааллын,
14660 Өһөгөйдөөх өспүт өһүлүннүн,
Кыһыылаах саҥа кыйданнын,
Уон тарбахпытынан
Утары дуксуһуохпут суоҕа,
Уу харахпытынан
Уоттаахтык көрсүһүөхпүт суоҕа,
Иккиттэн биирдэспит
Ойдом оһолго,
Быстах быһылааҥҥа
Түбэһэр күннээх буоллахпытына,
14670 Ыксаллаах бириэмэҕэ
Ынырсар түбэлтэҕэ
Ыраах да буолларбыт
Суһаллык чугаһыахпыт,
Дириҥ да буолларбыт
Тиэтэллик дагдайыахпыт,
Үрдүк да буолларбыт
Түргэнник түһүөхпүт,
Умса түһэр күммүтүгэр
Сүүспүтүттэн өйөһүөхпүт,
14680 Тиэрэ түһэр буоллахпытына
Кэтэхлититтэн өйөһүөхпүт,
Убай-быраат курдук
Үүннээх ыныырдаах
Үөлээннээх үтүө
- 346 -