Page 357 - Алаатыыр Ала Туйгун. 2-с үйэтэ

Ол гынан баран
Кылааннаах өргөстөөх
Кыыс Ньургун бухатыыр
Уолун Алаатыыр Ала Туйгуну
Өргөстөөҕүнэн өрө көрөн туран,
Сэмэлээбит-суҥхалаабыт быһыынан
Саҥа саҥара турда:
— Мун урун булларбатах
Муус Кудулу байҕал иччитэ буолбут,
14780 Туората-устата биллибэт
Туманнаах туундара,
Торолуйар тойоно,
Аҕа баһылыга,
Аатырар ааггаар
Ардьамаан-Дьардьамаан
Бухатыырдыын эһиги
Биир айыыттан
Аан ийэ дайдыга
Ананан айыллыбыккыт,
14790 Биир Дьөһөгөйтөн
Төлкөлөнөн үөскээбиккит.
Ол гынан бараҥҥыт,
Бу туох үлүгэрдээх
Улахан төрүөттээх,
Уһун сутуллаах
Охсуһууну охсуһан,
Олоххо айдааны тардаҥҥыт,
Орто дойдуну
Тордуйалаах уу курдук оргутаҥҥыт,
14800 Аан ийэ дайдыны
Атыйыахтаах уу курдук аймааҥҥыт,
Аҕыс айыы төрдүттэн
Айыыгытын-хараҕытын,
Алҕаскытын-буруйгутун
Аттаран туруорсаннар
Сүдьү дьүүллэригэр түбэһэҥҥит,
Улахан уураахха ууруллаҥҥыт,
Ороскуокка тэптэрдигит,
Кү үскүтүн -уоххутун
14810 Төбөтүнэн аҥаарын
Төттөрү былдьаттыгыт,
Бардам санааҕыт
Баскытын сөрүүһү,
349
-