Page 358 - Алаатыыр Ала Туйгун. 2-с үйэтэ

Дохсун быһыыгыт
Тобуккутунан үҥнэрииһи.
Итинник элбэх-үгүс
Эрэйдээх эриэһиҥҥэ,
Муҥнаах мускуурга,
Сындалҕаннаах сырыыга
14820 Сыддьан бараҥҥыт,
Аны-аныаха диэри
Таттык санаан' хаалбатах,
Чочулрн мэнигиҥ
Тохтооботох бэйэккэтэ
Эбитэ дуу, — диэтэ.
Онуоха буоллаҕына
Алаатыыр Ала Туйгун
Күбэй хотун ийэтигэр
Туох да диэн
14830 Харда саҥа саҥарбата,
Буруй туттан
Буугуначчы тыынан,
Буору-сири көрөн
Буугунуу турда:
— Турума эрэ,
Нойон киһиэ!
Тэллэххэ сытар тэҥнээҕиҥ,
Хоонньуга сытар
Холоонноох доҕоруҥ,
14840 Тыллаах-өстөөх
Чычыгыр-чуоҕур аттаах
Нарын Ньургустай
Ахтар Айыыһыта салаллаары,
Эдьээн Иэйэхситэ эргиллэн,
Этэ ыалдьан,
Илистэн-холустан олорор,
Сэтиэнэх отто булаҥҥын,
Үргүү охсон киллэрэ тарт, — диэтэ
Күбэй хотун ийэтэ.
14850 Ону истэн баран,
Алаатыыр Ала Туйгун
Үөрэн-көтөн,
Өрө урбачыс гына түстэ,
Сүрэҕэ тэптэ,
Сүргэтэ көтөҕүлүннэ,
Төтгөрү ыстанна,
350
-