Page 359 - Алаатыыр Ала Туйгун. 2-с үйэтэ

Сүүрэн дэгидийдэ,
Сис хара тыатыгар
Тигинээн таҕыста,
14860 Сэттэ силээн үрэх
Сиэттиһэн түһэр дьирбиититгэн,
Түмүллэн түһэр төрдүттэн,
Сэтиэнэхтээх дулҕа
Сигидийэр сэкититтэн,
Үс тиэйии холобурдаах оту
Үргээн үллэҥнэтэн,
Үөлэҥ хара тыа
Үөл талаҕынан
Үллэччи кэлгийэн,
14870 Өрүкүччү сүгэн,
Сиэлэн-хааман
Сигидитэн аҕалан,
Сэттэ тэтиэнэх киһи
Нэһииччэ сэгитэн киирэр
Дьиппиэн хара халҕанын
Тэлэйэ баттаан баран,
Дьиэтин иһигэр
Симээри гынан эрдэҕинэ:
— Нойон киһиэ,
14880 Тугун баҕас элбэҕэй?
Көҕүрүтэ түс,
Көмүһүм оҕотоо! — диэтэ
Күбэй хотун ийэтэ.
Онуоха буоллаҕына
Алаатыыр Ала Туйгун
Аҕалбыт отун
Үстэн иккитин
Быһа тардан ылан,
Харытын таһынан
14890 Халыан баҕайытык
Таһырдьа диэки
Садьыйан кэбистэ.
Кыыс Ньургун бухатыыр
Киирбит оту
Кумуйа-хамыйа тутан
Куучалаан-мээкэйдээн,
Хонноҕун анныгар кыбытан,
Хааман-сиимэн самалдьыйан,
Хаҥырҕастаах-бичиктээх
- 351 -