Page 361 - Алаатыыр Ала Туйгун. 2-с үйэтэ

Дэгидийэн кэлэн,
Ааныгар батарбакка,
Адаарытан эрдэҕинэ,
Күбэй хотун ийэтэ
Кыыс Ньургун бухатыыр
Саҥа аллайа түстэ:
— Алаатыгар, оҕолоор!
14950 Оокком сыыһа!
Тутуннаҕыҥ-хабыннаҕыҥ
Тугуҥ баҕас
Солоҕойун эбитин!
Аҥаар салаатьш
Быһа охсон киллэрэн,
Саайа оҕус, — диэтэ.
Алаатыыр Ала Туйхун
Хатыҥын биир салаатын
Тосту тардан ылан,
14960 Төбөтүн быһа садьыйда,
Төрдүн уһуктуу оҕуста,
Битигирэтэн киллэрэн,
Хаҥас оронугар
Кытыылыыр сылгыны
Кыҥыһахтыы бырахпыт курдук
Кылбаарар марн
Сыҥаһатын ыксатыгар
Саайан лигийэн биэрдэ.
Тапталлаах ойоҕо
14970 Туһааннаах доҕоро,
Нарын Ньургустай
Аҕыс сүөм холобурдаах
Арыы саһыл баттаҕын
Икки саннынан
Нэлбигэйдии түһэрбит,
Хаана-сиинэ ыгыллыбыт,
Сирэйэ-хараҕа сирэлийбит,
Уон тыһы кырынааһы
Таҥнарыта туппут курдук,
14980 Көмүс тарбаҕынан
Туостаах хатыҥ тоһоҕотун
Батыччы тутуспутунан барда,
Налыйан тобуктаан кэбистэ.
Күбэй хотун ийэлэрэ
Кыыс Ньургун бухатыыр

- 353 -