Page 362 - Алаатыыр Ала Туйгун. 2-с үйэтэ

Кийиитин кэлэн,
Кэтэҕин уолаҕайыттан
Самыытын хараҕар диэри
Арыылаах ытыһынан
14990 Аргыый аҕай
Эмирийбитинэн барда:
— Нохоо тахсаҥҥын,
Ити аҕалбыт хатыҥҥын
Ааны-суолу бүөлэтимэ,
Тиэргэнин' ортотугар илдьэҥҥин,
Үйэ-саас тухары
Үүнэ-көҕөрө турар гына,
Олордон кэбис.
Ханылы хамсатар,
15000 Чучурааны тохтотор,
Тэһиини тэнитэр,
Көнтөһү көннөрөр,
Дохсуну туттарар,
Баайтаһыны баайар,
Баараҕай мае буолан
Үүнэн туруо, — диэтэ.
Ийэтэ инньэ диирин кытта
Алаатыыр Ала Туйгун
Аанын бүөлүү сытар
15010 Баарарй хатыҥын
Силистэри-буордары
Сигидэччи сүгэн илдьэн,
Тиэргэнин ортотугар
Сир ийэ
Чэҥнээх тоҥор тиийэ
Тоҕус сүөм холобурдааҕы
Тобулу тиҥилэхтээн баран,
Баараҕай хатыҥы
Байбаччы олордон кэбистэ.
15020 Балыксыт ыалым
Балаҕанын үрдүн
Быһаҕаһын саҕа
Баабый хара ытыһынан
Буордары-сыыстары
Сабыта тарыйан,
Чиҥэтэ-тэпсэ турдаҕына,
Төбөтүн оройуттан
Сытыы чыпчаххай тыаһын курдук
- 354 -