Page 363 - Алаатыыр Ала Туйгун. 2-с үйэтэ

Тыас тыаһа
15030 Куус гынарга дылы гынна да,
Кэннигэр кэлэн
Туох эрэ баҕайы
Тоҥ тордуйа курдук
Торк гына тустэ.
Алаатыыр Ала Туйгун
Эмиэ туох баҕайы кэллэ диэн,
Этэ тарта,
Иэнэ кэдэрийдэ,
Эргиллэ тустэ,
15040 Тиэргэн ортотугар
Тааҕылаах убаһа
Өрөҕөтө ыстааннаах,
Уорҕата сонноох,
Илин тыһа үтүлүктээх,
Кэлин тыһа этэрбэстээх,
Баттаҕа бэргэһэлээх,
Кулгааҕа намсыырдаах,
Кутуруга моойторуктаах,
Тулума курдаах
15050 Сорук Боллур уол кэлэн,
Тобугун үрдүгэр токуһуйа,
Такымын үрдүгэр такыһыйа,
Сүһүөҕүн үрдүгэр сүүрэлии,
Хараҕын муҥунан көрөн,
Айаҕын атыаҕынан атан,
Тыла чороҥолоон,
Тыыныах иннинэ тыҥаластаата,
Этиэх иннинэ эппэҥнии
Кэлэҕэй кэпсээннээх,
15060 Татым саҥалаах,
Ыгым ырыалаах,
Тутах тойуктаах
Сорук Боллур уола буолла.
— Улаатыгар,
Улаатыгар!
Алаатыыр Ала Туйгун,
Туһааннаан кэлбит
Тойон убайым,
Этэр тылым эгэлгэтин
15070 Истэн турууй эрэ!
Субу мантан
- 355 -