Page 364 - Алаатыыр Ала Туйгун. 2-с үйэтэ

Туһааннаах тускумньулаах
Тус хотугулуу-арҕаа диэки
Көтөр кынаттаах кыылым
Үстэ сымыыттаан
Көнчөҕүн көтүтэн тиийэр,
Сүүрэр атахтаах кыылым
Тоҕуста тубуттаан
Борбуйдарын көтөхтөрөн,
15080 Тиийэр сиригэр
Киэҥ Тумарыкы Эбэ хотун диэн
Сир баар.
Онно буоллаҕына
Тоҕус киһи үйэтин тухары
Торолуйа тотон олорбут
Чукдаарыкы Тойон диэн баар.
Ол обургу дьаалы
Көстүбэт бөҕө күтүрдээҕин,
Алдьархай бөҕө
15090 Алдьархайдаах адьырҕатын
Ыҥыртаран аҕалбыта —
Ынырык ыалдьыт буолан ырҕаата,
Суостаах хоноһо буолан суоһаата.
Айыы хаан аймахтарын
Аҥаар өртүттэн
Айаҕар түһэрэн,
Аҕыйахтыыта ыстаан,
Ардьаҕалдьытан эрэр,
Күн өркөн уустарый
15100 Күрдүргэччи ыстаан,
Күллүргэччи ыйыстан,
Көҥүл сиэн,
Көҕүрэтэн эрэр
Аата-суола ханныгый диэтэххинэ,
Үөһээ дойду
Улуутуйар Улуу Тойон оҕонньор
Уоҕан уола,
Бөрөлүү уобар,
Бүтүннүү ыйыстар
15110 Буулаҕа Кудулу
Бухатыыр диэн үһү.
Онно бараҥнын
Айыы хаан аймаҕын
Араҥаччылыан' үһү,
356 -