Page 366 - Алаатыыр Ала Туйгун. 2-с үйэтэ

Туйаҕа төгүрүйэн,
Көҕүлэ өрүкүйэн,
15160 Ньилбэҕэ күөрэйэн,
Сиэлэн-хааман,
Нэлэһийэн кэлэн,
Иччитин иннигэр
Харыс гына түстэ.
Эргиччи көрөн кэбиспитэ —
Сөрүөлүүн-кычымныын
Сөпкө төргүүлэммит,
Ыҥыырдыын-ботолуун
Ыксары ууруллубут,
15170 Халбарыйбат холуна диэн
Холуйан тардыллыбыт,
Сиэкинийбэт дьиримэ диэн,
Тэннээн дьиримнэммит,
Ү үннүүн-ыныырдыын
Үтүөкэн көлө,
Көнтөстүүн-тэһиинниин
Көстөр айыы оҕото
Көтүөн эрэ кыната суох
Күөкэһийэн турар эбит.
15180 Алаатыыр Ала Туйгун
Халлаан кустугун курдук
Хатыс дьарҕаа тэһииниттэн
Хапсаҕай үлүгэрдик
Харбаан ылла,
Атын үрдүгэр
Өксөкү кыыл курдук
Дап гына олоро түстэ,
Тэтимнээхтик тэһииннээтэ,
Омуннаахтык уостуганнаата,
15190 Чиҥник тибилийдэ,
Арарс сиэр ата барахсан
Халыаннык хамсанна,
Чучураанньгк тутунна,
Аллаахтык айаннаата,
Атаралаан сиэлэн,
Дьабыдыйан-дьалкыйан,
Түһэн бара турда.
Хардаҥ хара тыаны
Хаппыт хамыс
15200 Чахчатын курдук

- 358 -