Page 365 - Алаатыыр Ала Туйгун. 2-с үйэтэ

Үруҥ тыын өрүһүгэ,
Хара тыын харыһыга,
Суон тыын толуга
Буолуоҥ үһү.
Көрдьөһөр бөҕө күттүөннээх,
15120 Ааттаһар бөҕө ахсааннаах дииллэр.
Ол иһин
Суһал сорукка,
Дьабдьыл наадаҕа,
Тиэтэллээх тэҥсиюсэ
Тиийэн кэлбитим.
Алдьархай бөҕө ааҥнаата,
Өлүү бөҕө түбүлээтэ,
Билигин аҕай мэлитиэ,
Сотору аҕай тобоҕолуо,
15130 Бардым, сүүрдүм,
Төнүннүм-тиэтэйдим, — диэтэ да,
Талах кымньыы тыаһын курдук
Хоту диэки
Холоруктаах курааһы маҕан халлаан
Улаҕатын диэки
Куус гынан хаалла.
Алаатыыр Ала Туйгун
Киил мае курдук
Кэдирис гынна,
15140 Хатыҥ мае курдук
Ханырыс гынна
Күн Тэгиэримэ Эбэ хотун
Дьогдьойор саалыгар,
Килэрийэр киинигэр
Ириэнэх сири, илдьи тэбинэн,
Тураҥ буору тоҕута тэбэн,
Сүүрэн мадьыкыччыйан киирэн,
Үс үөстээх
Өркөн кылыс куо дьэллик
15150 Кулан урбай кымньыытынан
Сааллар чаҕылҕан курдук
Далбаатыы-далбаатыы,
Үс төгүл
Хоруутуурун кытта
Араҕас сиэр ата барахсан
Сиэлэн-нэлэйэн,
Кутуруга субуруйан,
- 357 -