Page 368 - Алаатыыр Ала Туйгун. 2-с үйэтэ

Өтөр да айаннаабытын билбэтэ.
Бу түү мээчик курдук
Төкүнүйэн үөскээбит
Түмэн бараан дойду
Түөлбэлээх түһүлгэтэ буолбут
Киэҥ Тумарыкы Эбэ хотун
15250 Килэрийэр киинигэр,
Дьогдьойор саалыгар,
Туналыйар ньууругар
Чуораадыйан олорбут
Тоҕус толуу үрэх
Торолуйар тойоно буолбут
Чукдаарыкы тойон
Иэримэ дьиэтигэр,
Аан алаһатыгар,
Кэтит ордуутугар,
15260 Кэкэ чуоругар,
Баараҕай уорук
Балаҕанын таһыгар
Тоҕус туллук кыылым тохтообокко
Дьурулуу сүүрэр
Дьоруо атым
Таба дугунан ааспат
Дьулусхааннаах дьулуо маҕан
Тусаһатын ортотугар,
Айыылаах киһи
15270 Атгыгар барбат,
Буруйдаах киһи
Букатын чугаһаабат,
Үс моонньохтоох,
Үрдүгэр өксөкүлээх,
Сиэллээх дэйбиирдээх
Тойон баадай сэргэтин төрдүгэр
Атын түөрт
Туйаҕын тыаһа
Түөрт сүллэр этиҥ
15280 Маска дьааһыйарын курдук
Ньир гына
Өрө саалла түстэ.
Тоҕус толуу үрэх баһа
Дуораһыйыар диэри
Тойон баадай
Сэргэтин төбөтүн
- 360 -