Page 391 - Алаатыыр Ала Туйгун. 2-с үйэтэ

Атыыр оҕус
Көҥдөй көхсүн
Көҥкөлөй бэйэтин
Кыыс бэрбээкэйиттэн ылан баран,
Дада буурай санныгар
Дагдаччы бырахта.
Нүһэр бөдөҥ баҕайыны
16240 Логлоччу сүгэн таһааран,
Чукдаарыкы Тойон
Балаҕанын үрдүн
Көҥү быраҕан,
Күр гыннарда.
Ол гынан баран
Чукдаарыкы Тойон
Киэбирэн олорбут
Кэтит ордуутун
Киэҥ уораҕайын
16250 Хаппыт чабычах курдук
Хампы тэбистэ.
Сат тымтай курдук
Ньаймаччы үктүөтэ,
Сабыта эккириэтэ,
Балаҕанын түөрт өртүнэн
Кутаа уоту оттон
Куугунатан кэбистэ.
Охсуһуу уурайда,
, Айдаан ааста,
16260 Буурҕа тохтоото,
Буркун уурайда,
Күдэрик көттө,
Күдэн сууйулунна,
Киэҥ Тумарыкы Эбэ хотун
Күнэ тыкта,
Күөрэгэйэ ыллаата.
Хомураҕа уулла,
Хонуута көҕөрдө,
Сирэ-буора чэлгийдэ,
16270 Сибэккитэ тылынна,
Куруҥ-хара тыаттан
Хорсун хоһуун уолаттар
Курайа сүүрэн түстүлэр.
Сис хара тыаттан
Сыыдам быһый кыргыттар

- 383 -