Page 390 - Алаатыыр Ала Туйгун. 2-с үйэтэ

16190 Аарыма маҥаас төбөтүн
Быһа тардан ыламмын,
Тойон убайбар эйиэхэ
Бэлэх гиэнэ бэрдэ диэммин
Бэлтэччи бэлэхтиибин,
Манньа гиэнэ бастыҥа диэммин
Балтаччы маанылыыбын,
Кыйахалаатахха* халыҥ соҕус
Куйахалаах буолуо,
Тиниктээтэххэ силгэлээх соҕус
16200 Эттээх буолуо,
Ыстаатахха ысталлаах соҕус
Төбө буолуо,
Ытыскар түһэрэн
Ыла оҕус эрэ.
Сыыһа тутаайаҥый,
Халты харбаайаҥый, — диэн баран,
Өлөр Өлүү Луо бээгэй
Атыыр оҕус төбөтүн
Чукдаарыкы Тойон
16210 Балаҕанын диэки
Быраҕан кындаарытга.
Чукдаарыкы Тойон буоллаҕына,
Дьиэтин хабыллар
Хаба ортотугар
Атаҕын оллооннуу ууран,
Суодуйан-дьоһумсуйан,
Соҕуруу диэки
Тоҕус оҥоот-чоҥоот түннүгүнэн
Тонолуппакка араарбакка,
16220 Супту одуулаан
Олорбут эбит.
Оҕус төбөтө
Ортоку түннүгүнэн
Тобулу көтөн киирэн,
Чукдаарыкы Тойоҥҥо кэлэн,
Түөскэ кэтиллэ түстэ.
Дьиэтин ортотугар
Тиэрэ таһылынна,
Иҥиир ситиитин тартаран
16230 Титирэстээбитинэн барда.
Алаатыыр Ала Туйгун
Өлөр Өлүү Луо бээгэй

- 382 -