Page 392 - Алаатыыр Ала Туйгун. 2-с үйэтэ

Сырсан мэтэриһэн кэллилэр.
Онтон-мантан
От-мас төрдүтгэн
Оторой-моторой уолатгар
16280 Ойуоххалаһан турдулар,
Итинтэн-мантан
Эйэҥ-сэйэҥ дьахталлар
Эбиллэн-сабыллан
Элбээн истилэр.
Үөр туллук курдук
Үмүөрүһэ түстүлэр,
Арыы мае курдук
Арыаллаһан бардылар.
Өрөҕөр көҕүллээхтэрэ үөрдээтэ,
16290 Атырдьах туйахтаахтара арыаллаата,
Ураа муостаахтара тоҕуоруйда.
Ону көрөн баран,
Алаатыыр Ала Туйгун
Саҥа саҥара,
Тыл кэпсии,
Өс тобула турбута,
Эгэлгэтэ-хоһооно
Маннык буолта үһү:
— Дьиэ буо, дьиэ буо!
16300 Айыы хаан аймахтара,
Күн өркөн уустара,
Субан туруйа уолаттар,
Кыталык кыыс дьахталлар,
Өрүөбүт уоһум үгэтин өйдөөҥ,
Хоммут уоһум
Хоһоонун холобурдааҥ!
Күҥҥүтүн-ыйгытын
Күлүктээн олорбут
Күтүр баһылыккыт,
16310 Күөмчү тойоҥҥут
Чукдаарыкы Тойон обургу
Сураһан аҕалбыт
Суудайан булбут
Луо бээгэй
Торбоһун төбөтүн
Туора кууспутунан,
Суотуйан олорбут
Ордоотуур-ордуутугар
- 384 -