Page 48 - Алаатыыр Ала Туйгун. 2-с үйэтэ

Бэрт буолсу диэн,
Дойдуну үрдүнэн
Тайҕа хара тыа буолан,
Тарҕанан сараадыйан
Барбыт эбит.
Мутукчата таийэн
Будурбаннаах муора
Бэтэрээ өртүгэр
Буруус таас хайаҕа,
1670 Муус буурҕа дойдуга
Булан мунурданан,
Түһэн баран,
Бу дойдум
Буурҕата-будурбана* бэрт
Буолсу диэн,
Төттөрү бугуйан,
Бу баар
Буору үрдүнэн
Буолунай сис тыа буолан,
1680 Мунутаан үүнэн барбыт эбит.
Саарба кыылым
Сардаҥалаах тэриитин
Сараадыччы туппут курдук
Үрүҥ күөх өлбүргэлээх,
Чороон айаҕы
Туруору туппут курдук
Лоһуор-чопчу туораахтаах,
Үс харыс үрэллибит
Үрүҥ көмүс түбэдьилээх,
1690 Аҕыс харыс хайыттыбыт
Араҥа дьаассын туостаах,
Арылыас кус сымыытын курдук
Араҕас илгэ
Айгыста сүүрэ турар,
Чөккөй кыыл сымыытын курдук
Сөҥ сүөгэй
Чөллүргэччи таммалыы турар,
Араҕас арыы олохтоммут,
Үрүҥ сөлөгөй үллүбүт.
1700 Быстыбат-быйаҥнаах,
Уолбат-уйгулаах
Орто аан ийэ дойду
Ойуулаах-оһуордаах
- 4 4 -