Page 288 - Неизвестное название

Ыыталаан кэбистилэр.
Аттара барахсаттар
Сиэллэрэ нэлэһэн,
Кутуруктара субуллан,
Көҕүллэрэ өрүкүйэн,
Туйахтара төгүрүйэн,
12030 Түһэн бара турдулар.
Бэйэлэрэ буоллаҕына
Уһун субуйа батастарын
Сулбу тардан ылаат,
Тимир иһирик ойууру
От курдук охсон,
Хомус курдук ходуйан,
Кулуһун курдук кумалаан,
Кууһуннаран бардылар.
Кылыкына курдук кыдыйан,
12040 Кырбааһын кытаанаҕын кырбаатылар,
Тостуган тулайах* курдук
Тоһута охсон,
Тунайдаан истилэр.
Ус дуолан бухатыыр
Өрөһүспүт курдук
Үлтү кырбаан
Улэ киэнэ
Күүһүн үлэлээтилэр.
Ол курдук кинилэр
12050 Орулуур отут хонук
Томтойо торолуйа
Туолуор диэри,
Олорбокко-тохтообокко,
Өттүктэринэн сыппакка,
Уоскуйан сынньаммакка,
Улахан дьулуурдаах
Охсуһууга турдулар.
Үһүс күрэхтээх
Үлэни көрүстүлэр,
12060 Өр да үлэлээбиттэрин,
Өтөр да үлэлээбиттэрин билбэтилэр.
Өйдөнөн көрбүттэрэ —
Туттар сэптэрэ
Тугутугар тиийбит,
Кэтэр куйахтара
Кэлтэччи элэйбит,

- 285 -