Page 290 - Неизвестное название

12110 Тобулу солоон,
Туораан тахсыбакка,
Толлон-чугуйан
Төннөн тиийдэхпитинэ,
Күн өркөн уустарыгар
Хомолтолоох кутурҕаннаах буолуо,
Айыы хаан аймахтарыгар
Аһыылаах-абалаах буолуо.
Кун дьонун
Көстүбэт бөҕөттөн
12120 Көмүскүүр күүһэ суох
Көрүнньүк көҕүс дьон
Көппөҥнөһө сылдьаллар эбит диэн,
Холоонноох хоһута,
Тэҥнээх сэтэ,
Үөлээннээх үөҕүүтэ
Буолуохпут кэриэтэ,
Бу дойдуттан
Сүрүн быстыар диэри
Төннүөхпүт суоҕа,
12130 Сойуоласпыт өйбүтүн
Тохтотуохпут суоҕа,
Атааннаах санаабытын
Хаһан да хаалларыахпыт суоҕа, — диэн,
Хадай хааннара,
Хардааччы сигилилэрэ
Хаанньары тарта,
Хахайдыы хаһыытаһан,
Хабырынан кэбистилэр.
Өһөс өйдөрө
12140 Үмүрүччү тардан
Өксөкүлүү үргүлэһэн,
Өсөһөн тураннар,
Үлэлээбиттэрин курдук
Үлэлэһэн бардылар.
Олорон сынньаммакка,
Уоскуйан тохтообокко
Орулуур отут хонук
Устатын тухары
Удьуордаах-мөккүөрдээх
'2150 Үлэни көрүстүлэр.
Өйдөнөн кэлбиттэрэ —
Уҥуох дьон уйадыйбыттар,
- 287 -