Page 292 - Неизвестное название

Уустук буолла.
Кьфбыырга кытаанах,
Көҕүрэтэргэ күчүмэҕэй күн
Күһэйэн кэллэ.
12200 Күүстээх санаа көҕүрээтэ,
Модун санаа мунурданна,
Мунчааран муҥатыйан,
Санаарҕаан саппыйан бардылар.
Утарыта көрсөн кэбистилэр.
Хопчоччу холлубуттар,
Куодьаччы дьүдьэйбиттэр,
Ырдьаччы ырбыттар,
Ымайа быстыбыттар,
Чорбоҕор уостанан
12210 Чолбуодуһан хаалбыттар,
Харахтара хаһыллыбыт,
Хааннара кубарыйбыт.
Хайаттан хайа ыстаммыт
Албастаах киэнэ атамаана
Аҥардам бухатыыр
Барбыт сирин
Батыһар кыахтара быстан,
Иһирик ойууртан иҥнэн
Эккирэтэр күүстэрэ эстэн,
12220 Кычча тыыннара,
Көҥдөй көҕүстэрэ
Хаарга хааман,
Халтата сылдьан
Харыс хаалан,
Ситиспэккэ-хотуспакка
Сииккэ сиэлэн,
Дьүүкэрэн-холлон,
Дьүдьэх дьүһүннэнэн,
Төннөргө күһэллэн,
12230 Сүөм түһэн,
Сөҥүрүһэн* турдулар.
Ол турдахтарына
Эмискэччи үлүгэр
Төбөлөрүн оройуттан
Сытыы тыас чыскыйда,
Хатан тыас хаһыырда.
Эргиллэн көрбүттэрэ —
Былыты үрдүнэн быкпыт
- 289 -