Page 293 - Неизвестное название

Мылаада маҥан
12240 Тараҕай таас хайа
Дьуларыйар дьулайыттан
Дагда таба тэриитинэн
Дагдаччы таҥныбыт,
Күскэл таба тэриитинэн
Күскэччи таҥныбыт
Икки сул харыйа курдук
Суорба маҕан хаалыктаах,
Икки хара килэдьи хайыһардаах,
Маадьаллыбыт атахтаах,
12250 Майҕаллыбыт өттүктээх,
Мардьаллыбыт түөстээх,
Баадаллыбыт сарыннаах,
Былас ордуга,
Түөс аҥаара сирэйдээх,
Быһый-сыыдам быһыылаах,
Күүстээх бөҕө көрүҥнээх
Тоҥус киһи
Дуолан бухатыыра,
Суорба тааһы
12260 Тоҥ хаар курдук
Тобулута тайанан,
Хайыр таастары
Көмүрүө хаар курдук
Хайыһарынан хайыта тэбэн,
Ойоҕолуу сүүрдэн,
Уһуутанан кэллэ.
Кинилэр диэки
Хараҕын кырыытынан
Хантас гынна,
12270 Чулурус гынан
Тохтуу түстэ.
Толбонноох-эбирдээх
Торҕон бөрө саҕа
Бөртөлөөх бөрө
Тыһы үтүлүгүн
Уоһунан таһааран,
Тоҥ таарбаҕан кыылы
Таҥнарыта туппут курдук
Томороон модьу тарбаҕынан
12280 Хаһааҥҥыттан эмэттэн
Хаардаах дьаҥха буолбут

- 290 -