Page 291 - Неизвестное название

Эт дьон илистибиттэр,
Сындааһын дьон сылайбыттар.
Туттар сэптэрин
Сүллүгэстэрин-батастарын
Төлүтэ тута сылдьар буолан,
Охсоору гыннахтарына,
Олоро түһэр,
12160 Дайбаары гыннахтарына
Такымнарыгар такыйар,
Сүһүөхтэрэ уйбакка,
Сөһүргэстэринэн үнэн,
Түүл-бит курдук
Түлээх-илээх
Кырбыы тураллар эбит.
Ийэ көлөһүннэрэ
Иэннэринэн сүүрбүт,
Аҕа көлөһүннэрэ
12170 Арҕааларынан саккыраабыт,
Күп гынар
Күүс быстыбыт,
Сэп гынар
Сэниэ эстибит.
Ойуурдарын диэки
Одуулаан көрбүттэрэ —
Хабдьы кыылым
Хараҕын саҕа
Харааран көстөр
12180 Хайаҕас биллибэт,
Үгүрүө хараҕын саҕа
Күлүгүрэн көстөр
Көҥдөйө көстүбэт,
Ылбай хараҕын саҕа,
Ыйдаҥаран көстөр
Ыпсыыта биллибэт,
Сытыы биилээх сынтарыйар
Ньыгыл хара тыа буолла.
Укулаат тимир
12190 Уһуга уйадыйар
Ойуур киэнэ
Уратыта эбит.
Чиэрэстээн тахсар
Сэниэ мэлийдэ,
Уҥуордаан туоруур
- 288 -