Page 294 - Неизвестное название

Хардаҥ эһэ тэриитэ
Хаймыы чарапчылаах
Сырҕан эһэ саҕа
Тыс нээдирэ бэргэһэтин
Сэгэччи анньынан кэбистэ.
Саманнык диэн
Саҥа саҥара турбута үһү:
— Алаатыгар, алаатыгар!
12290 Аҕыс тоҕойдоох
Аартык айаҕар көстүбэт
Атаска холуйбатах атастарым,
Тус иннигитигэр
Дорообото тутуҥ!
Хайа дайдым
Хараарар хапчааныттан
Халты тэбинэн
Хааман-тиийэн кэлэҥҥит,
Ханнык бэйэлээх
12300 Хаҥыл наадаҕа
Харбааттаах сырыыга
Хаптаран түбэһэн,
Хаҥыл хара тыаны,
Хараҥа иһирик ойууру,
Харыгыт-сотоҕут күүһүнэн
Хайа солоон тахсаары,
Хараадыһан тураҥҥыт,
Харыстыгыт дуо, нохолоор?
Турар бэйэҕититтэн
12310 Толкуйдуу көрдөхпүнэ,
Тоҕус уон сааскытын
Томтойо туолан,
Токуруччу кырдьыаххытыгар диэри
Тохтообокко-уурайбакка,
Солообуккут да иһин
Бу суо хаан ойууру
Тобулу солоон,
Туоруургутун хоппотум.
Аҕыс уон сааскытыгар тиийэн,
12320 Акыччы кырдьыаххытыгар диэри
Аартык аһан,
Айанныыргытын билбэтим.
Албан ааккытын,
Дьоһун сураххытын,
- 291 -