Page 295 - Неизвестное название

Туһааннаах соруккутун,
Кэлбит сиргитин
Кылбайан турар кырдьыгынан
Кэпсээҥ эрэ, сэгэрдээр.
Ким-хайа кэлэн,
12330 Ааппытын ыйытан,
Сурахпытын сураатыҥ диэтэргит,
Бу түү мээчик курдук
Төкүнүйэн үөскээбит
Түлэй бараан дойдум
Түҥкэтэх түөлбэтигэр
Томтойон үллэн,
Дуолаһыйан үөскээбит
Буурҕалаах-силлиэлээх
Мунурун булбатах
12340 Муус Кудулу байҕал
Хамсыырын харамайын,
Тыынар тыыннааҕын
Торолуйар тойонноро,
Дуолан бухатыырдара
Абааһыттан куттамматах,
Айыыттан саллыбатах,,
Ардьамаан-Дьардьамаан
Бухатыыр диэн буолабын,
Буойака! — диэтэ.
12350 Инньэ диирин кытта
Солоҥдо тураҕас аттаах
Тустуулаах Дьуруо Бөҕө
Саманнык диэн
Саҥалаах-иҥэлээх буола турда.
— Дьиэ-буо, дьиэ-буо!
Бу баар улуу дойдум
Уораһыйар улаҕатыгар
Дьуларыйар туруук таас
Хайаларын дуолан бухатыыра,
12360 Тойон убайым,
Этэр тылым эгэлгэтин
Истэ сэргэҕэлээ эрэ!
Албан ааппын ааттыыр,
Дьоһун сурахпын суруур буолаххына,
Бу отут ургунньахтаах
Орто туруу дьоҕул дойдум
Улай дьэҥкэ киинигэр

- 292