Page 296 - Неизвестное название

Олохсуйан үөскээбит
Киирбэт килбиэн
12370 Маҕан күннээх,
Саппаҕырбат сандаар
Маҕан халлааннаах
Күн Тэгиэримэ Эбэ хотун
Килэрийэр киинигэр,
Дьогдьойор саалыгар,
Туйгутуур уорҕатыгар
Уордайан уһуктар
Уор Дьаҕыл оҕонньор,
Кыыдыйан уһуктар
12380 Кыыр Дьаҕыл эмээхсин диэн бааллара.
Олор кыыстара
Кылааннаах-өргөстөөх,
Күүстээх-уохтаах
Кыыс Ньургун бухатыыр диэн баара.
Ол оҕото
Аллаах айаннаах
Ахсым сырыылаах
Араҕас сиэр аттаах
Алаатыыр Ала Туйгун
12390 Бухатыыр диэн баар,
Ол оҕото
Солоҥдо тураҕас аттаах
Тустуулаах Дьуруо Бөҕө
Диэн буолабын.
Айыы хаан аймахтарыттан
Суһал сорукка,
Дьабдьыл наадаҕа баран иһэммит,
Аартык хотун
Араскаатыгар ыллараммыт,
12400 Суол ийэ
Тохоотугар туттараммыт,
Ол туох наадаҕа диэн,
Туоһулаһар буоллаххына,
Күн айыы аймахтара
Көмүс ордуулара,
Көй кииннэрэ буолбут
Кыталыктаах Кыйаадыма Эбэ хотун,
Килэрийэр киинигэр
Олохсуйан үөскээбит
12410 Тоҥ харыйа саҕа
- 293 -