Page 297 - Неизвестное название
P. 297
Толомон модьу торуоскалаах
Тойон Дьоҥсоруун Баай оҕонньор,
Чаллах хатыҥ саҕа
Сабарай бөдөҥ дэйбиирдээх
Хатын Дьаҥсарыын Баай эмээхсин
Диэн бааллара,
Олор күндү кэрэ кыыстара
Сэттэ былас суһуохтаах
Нэлэмэн Куо диэн
12420 Умсулҕаннаах оҕолорун
Адьарай бөҕө албастааҕа,
Аҥардам абааһы
Уоран-талаан барбытын
Эккирэтэн иһэммит,
Иһирик ойууртан иҥнэн,
Эрэйи-муҥу көрөн,
Илистэн-сылайан,
Эккирэтэр кыах эстэн турабыт.
Атын дойду
12430 Албан ааттааҕа,
Туспа дойду
Дьоһун сурахтааҕа
Туох сүбэлиир
Үтүө сүбэлээххиний,
Туох күүс-көмө салгыырдааххыный?
Көрдөһөр бөҕө күттүөннээх,
Ааттаһар бөҕө ахсааннаах,
Буойака! — диэтэ,
Инньэ диирин кытта
12440 Ардьамаан-Дьардьамаан
Амырах соҕус
Саҥаны саҥарда,
Эйэҕэс соҕустук
Этэн-тыынан барда:
— Алаатыгар, алаатыгар оҕолоор!
Солоҥдо тураҕас аттаах
Тустуулаах Дьуруо Бөҕө,
Нойон киһиэ!
Албан ааккын,
12450 Дьоһун сураххын
Чопчу кырдьык кэпсиэбитиҥ иһин
Баскыттан атаххар диэри
Балаҕан саҕа баһыыбата тут!
- 294
