Page 300 - Неизвестное название

12540 Санньыйбыт санаалара дьайҕарда,
Санаарҕаабыт өйдөрө сэргэхсийдэ,
Сылайбыт бэйэлэрэ тэтимирдэ,
Улугурбут күүстэрэ уоҕуран
Оннугар түһэн
Уоскуйа түстүлэр.
Санаалара күүһүрдэ,
Саргылара көтөҕүлүннэ.
Тустуулаах Дьуруо Бөҕө
Охсуһуулаах мөккүөрдээх
12550 Оҕо Удаарын иккиэн
Өркөн кылыс кымньыыларын
Өрө тутан тураннар,
Үстүү төгүл
Хоруутуулларын кытта
Этэн баран эҕэрийиэх
Ис кырыытыгар
Аттара барахсаттар
Сиэллэрэ нэлэһэн,
Кутуруктара субуллан,
12560 Туйахтара төгүрүйэн,
Көҕүллэрэ өрүкүйэн,
Ү үннүүн-тэһинниин,
Ыҥыырдыын-холумнуун
Тус иннилэригэр кэлэн,
Хорус гына түстүлэр.
Били гыналларын кытта
Аттарын үрдүгэр
Даллан* өксөкү кыыл курдук
Дап гына олоро түстүлэр да,
12570 Хайыһар барбыт суолун устун
Халыаннык хамсатан,
Омуннаахтык уостуганнаан,
Тэтимнээхтик тэһииннээн,
Чиҥник тыбылыйан,
Сындыыс курдук кыһыырдан,
Чаҕылҕан курдук дайбаан,
Айаннатан астаран,
Уурдаран-оҕустаран,
Кудулутан - д ьалкытан,
12580 Киирэн бардылар.
Өр да айанаабыттарын,
Өтөр да айаннаабыттарын билбэтилэр,

- 297 -