Page 326 - Неизвестное название

Кистээһин гиэнэ
Кичэмэтин кистээтилэр,
13660 Кулгаахтаах бөҕө
Истибэтин диэн
Хос гиэнэ кулугулааҕар
Хорҕотон хорҕоттулар,
Харахтаах бөҕө
Көрбөтүн диэн,
Хаппахчы гиэнэ
Хараҕалааҕар хатаатылар,
Муруннаах бөҕө
Булбат гына
13670 Муннук гиэнэ
Муҥурун буллардылар.
Били гыналларын кытта
Сулустан туллан түспүт
Салыҥ Кулахай обургу
Бүлтэс бөҕөтүнэн,
Буут быстарынан,
Муҥ кыраадыһынан,
Бөрөлүү харбаан,
Бөтөйөн тиийэн кэллэ.
13680 Омуннаахтык уһуурбахтаата,
Хаардаах сатанан хаһыырталаата,
Буордаах силлиэнэн тибииртэлээтэ,
Хачыгыраччы хабырынна.
Аба-сата
Саҥаны саҥарда,
Дьуон-дьайаан тойугу туойда:
— Буойака, буойака!
Маҕаххай аллаах
Аанай-туонай абабын,
13690 Туонай сүктэбин
Көрөҕүөт-көрбөккүөт!
Кыстык тэтэркэй имнээх
Кыыс оҕоҕутун
Кистээн саһыаран,
Кэргэн гынаары,
Саһыара сылдьан дьахтарданаарыгыт,*
Уоран сылдьан ойохтонооругут,
Эппэккэ эрэйдээтигит,
Биллэрбэккэ мэлиттигит,
13700 Көрдөрбөккө көтүттүгүт.

- 323