Page 327 - Неизвестное название

Итинник эбит буоллаҕына,
Эрэйбин ситиһиэм,
Иэспин төлөтүөм,
Сүгүнүнэн сүктүөм суоҕа,
Аанньанан арахсыам суоҕа,
Дьиэҕитин дьиэгинитиэм,
Уоккутун уотаҥнатыам*,
Ураҕаһынан булкуйуом,
От хотуулун курдук
13710 Урусхал оҥоруом,
Үөннээх түптүйэ курдук
Үлтү тэпсиэм,
Кырасыабай кыыскытын
Кыбыннара охсуҥ,
Куустара тардыҥ,
Биэрэр биэрбэт тылгытын
Биллэриҥ эрэ, — диэтэ.
Инньэ диирин кытта
Сатаҕа Бөҕө обургу
13720 Салаалаах бэс саҕа
Салтайа сүүрэн кэлэн,
Тусаһа ортотугар
Тохтуу түстэ.
Туора-маары салбанна,
Сирэйин түнэ сарыы курдук
Түүрэ-хаанньары тутунна,
Сүүрдээбэтэх куйуур
Ойбонун курдук
Түҥнэри-таҥнары көрдө.
13730 Мар-сар ырыа
Марай-сарай саҥа,
Тиҥий-хаҥый кэпсээн
Буола турда:
— Буойака, буойака!
Тойон Дьоҥсоруун Баай оҕонньор,
Хотун Дьаҥсарыын Баай эмээхсин,
Эһиги үрүҥ дьиэҕит үрүмэччитэ,
Хара дьиэҕит
Хараҥаччыта буолбут
13740 Туналҕаннаах ньуурдаах,
Кыстык тэтэркэй имнээх,
Кырасыабай дьүһүннээх
Кыыс оҕоҕутун
- 324