Page 328 - Неизвестное название

Тэллэххэ сытар
Тэҥнээх кэргэн,
Хоонньуга сытар
Холоонноох доҕор оҥостоору,
Сырыы гиэнэ
Сындалҕаннааҕын сырыттым,
13750 Айан киэнэ
Араскааттааҕын айаннаатым,
Аттаах бэйэм сатыы хааллым.
Эрэй-буруй элбээтэ,
Ороскуот бөҕө улаатта.
Онон эбит буоллаҕына
Оҕоҕутун ох курдук
Оҥорон умнаан,
Сибэкки курдук
Ситэри симээн,
13760 Наҥначчы таҥыннаран,
Туттарыҥ эрэ сибилигин түргэнник.
Туора кууһан
Сүгүннэрэн барыахпын
Бэлэмнии охсуҥ.
Туспаҕа суорумньулуур,
Атыҥҥа аралдьытар буоллаххытына,
Атаҕым соболоҥун
Аанньанан аахсыам суоҕа,
Сүүрбүт сүһүөҕүм көлөһүнүн
13770 Сүгүнүнэн төлөтүөм суоҕа,
Аҕыс баҕанаҕытын адаарытыам,
Тоҕус тулааһыҥҥытын чоротуом,
Хамсыыргытын харамайгытын
Ханна да хаалларбакка,
Хаппыт хамыс чахчатын курдук
Хампы тэпсиэм.
Эппит тылбар эппиэттээҥ,
Иһитиннэрэ тардыҥ, — диэтэ.
Итини истээт,
13780 Салыҥ Кулахай обургу
Уолуйан-соһуйан
Уордайан-кыыһыран
Урбачыс гына түстэ:
— Маҕаххай аллаах,
Айаҕын абатын,
Тумсун тууһун
- 325 -