Page 329 - Неизвестное название

Бэлэһин бэтиэхэтин,
Көрөҕүөт-көрбөккүөт!
Аараттан төннөн
13790 Адалыйан кэлэн бараҥҥын,
Атах соболонун
Төлөтүөм диэҥҥин,
Ардьайа сытыйан турдаххыный?
Акаарыҥ да алыһын эбитин
Күтүөт оҕо буолаары,
Холоһор буоллаххына,
Көхсүгүн дьөлүөм,
Киэр кэбэлитиэм.
Кырасыабай кыысчааны
13800 Кырдьык былдьаһар буоллаххына
Кыһыл эккин кырбастыам,
Кырамта уҥуоххун кылбатан
Кыйдыырым буолуо,
Ойоҕоһуттан сылдьан
Ойох көрдьөөбүккүн,
Ойоҕоскун тоһутуом,
Уҥуоххун кумалыам,
Эн баҕас
Эйэ-дэм эрдэхпинэ,
13810 Эрэй-буруй чычааһына,
Киэр буол,
Кэбэлийэ тардыый! — диэтэ.
Онуоха буоллаҕына
Сатаҕа Бөҕө
Саҥа саҥаран,
Сатаарыйа түстэ!
— Аарт-татай ини,
Ар-дьаалы, оҕолоор!
Сулустан туллан түспүт
13820 Салыҥ Кулахай курдук
Соҕотоҕун суоһуран,
Аҥардаһынан аатыран
Алыс киһиргээмэ.
Итигирдик этэр
Эбит буоллаххына,
Чобуо сутуруктаах тойомсуйуо,
Табыгас тарбахтаах чабылайыа,
Бэргэн илиилээх бэрдимсийиэ,
Бүдүрүйбүт матыа,

- 326 -