Page 331 - Неизвестное название

Тустуулаах Дьуруо Бөҕөнү,
Охсуһуулаах Оҕо Удаарыны
Улахаҥҥа уурбаккын,
Туохха да холуйбаккын дуу?
Эн баҕас
Бу дойдуттан
Үтүөнү үллэстиэҥ суоҕа.
13880 Чээҕэ тиксибэтиҥ биллэр
Таах даллаҥныыгын,
Дьоҕойон сөллөҥнүүгүн,
Тоскун ылаары мордьойоҕун,
Өлөр көрдьүөн өрөлөһөҕүн,
Сэрэтэн эттэххэ,
Харыстаан саҥардахха,
Киһилии силлэҥнээ.
Хадаардаһа турума,
Хантан кэлбиккиний да,
13890 Кырамта уҥуоҕуҥ
Кыралана илигинэ,
Уһун уҥуоҕуҥ
Урусхаллана илигинэ,
Бара тардыый, — диэтэ.
Сатаҕа Бөҕө
Сатай-матай
Саҥара турда:
— Буойака,буойака!
Көр да маны!
13900 Көҥдөй көхсүгүтүнэн күөнтээҥҥит,
Халыҥҥытынан хаххалааҥҥыт,
Халтайга хаамтараары,
Сииккэ сиэллэрээри,
Кураанаҕы куустараары,
Кубулунан албаһыран
Киэбирэ тураҕыт дуо?
Итинник эбит буоллаҕына
Айыы диэн
Аахсыам суоҕа,
13910 Абааһы диэн
Харыстыам суоҕа.
Үгүстэн үгүс бөҕө,
Аҕыйахтан аҕыйах ордуо.
Хайаан да харсан иһэн хаалыам,
Эрэйбин ылыам,
- 328 -