Page 330 - Неизвестное название

13830 Кыаттарбыт кыйданыа.
Бэлэс бэрдэ
Билиэ суоҕа,
Атах арбатыыта
Быһаарыа суоҕа,
Сутурук тойоннуо,
Сүллүгэс дьүүллүө
Буор сирэй
Бурҕалдьы сото
Боҕурҕана атах, — диэн баран,
13840 Айаҕын атта
Аһыытын ардьатта,
Тыҥыраҕын сарбатта,
Саба түһээри
Сарбас гынна.
Салыҥ Кулахай
Сэмэлээн-сүөргүлээн,
Саҥа аллайан
Сатарыйа түстэ:
— Ар-дьаалы оҕолоор!
13850 Адьарай бөҕө
Аакка киирэр
Акаарыта эбиккин.
Көҥдөй мэйии
Көҥкөлөй тебе,
Көрүнньүк көҕүс,
Көппөх сирэй
Көрбөккүн дуо?
Күн айыы аймахтарын
Күдэн бөҕө күүстээхтэрэ,
13860 Модун бөҕө моойдоохторо,
Дуолан бухатыырдара туралларын
Эн көҥүлгүнэн
Күндү күтүөт буолан күөкэҥнээн,
Кырасыабай кыыстарын
Кыбынан-кууһан,
Күөгэтэн - нусхатан,
Сүгүннэрэн-боҕуннаран
Барыам диэҥҥин,
Оллоҥнуу тураҕын дуо?
13870 Түүнүк сирэй
Туту да толкуйдаабат
Дьүлэй-балай киһи
- 327 -