Page 332 - Неизвестное название

Өлүүбүн үллэстиэм, — диэн баран,
Айыы бухатыырдарын диэки
Адьырҕа кыыл курдук
Адьырыйа турда.
13920 Тустуулаах Дьуруо Бөҕө
Суон куолаһынан
Кэһиэхтээх саҥанан,
Эҕэлээх этиинэн
Ырыа ыллыы турда:
— Дьиэ-буо, дьиэ-буо!
Адьарай бөҕө аймахтарын
Адалытыахпыт суоҕа,
Көстүбэт бөҕө күтүрдэрин
Күммүт сиригэр
13930 Күөдэлитиэхпит суоҕа.
Абааһы адьырҕалара,
Көстүбэт бөҕө көппөхтөрө
Эрэй-буруй чычааһына,
Эйэ-дэм эрдэхпитинэ,
Эккит-тириигит бүтүнүнэ.
Дьиэни-уоту мэһэйдээмэҥ,
Сири-дойдуну сыыһырдымаҥ,
Хантан кэлбиккитий да,
Харахпытыгар көстүмэҥ,
13940 Халбарыйа охсуҥ,
Хамына тардыҥ,
Буойака! — диэтэ.
Инньэ диирин кытта
Абааһылар адьарыһа түстүлэр,
Саба түһээри
Сарбаҥнаһан бардылар.
Үөхсүү-этиһии үксээтэ,
Уор кылын улаатта,
. Сигили-майгы силиннэ,
13950 Киҥ-наар алдьанна,
Кэп-киэли кубулуйда,
Дьүһүн-бодо уларыйда.
Оллур-боллур уостанан,
Сири-саары сирэйдэнэн,
Сирэйгэ силлэһээри,
Харахха хаахтаһаары,
Сүрэххэ сүгэлэнээри,
Быарга быһахтанаары,
- 329