Page 355 - Неизвестное название

Оботтоох буурҕалаах,
Саабылаан батыйа таманын
Халты салыы турар
Часкыйар сапта тыаллаах,
Хаптаҕай уллуҥахтаах
14910 Таба тэбиммэтэх,
Чөл сүһүөхтээх үрдүгэр сүгүн
Дугунан турбатах,
Кытаанах тыҥырахтаах
ЬСыайан кытаахтаспатах,
Кылыс батыйа
Кыладьыйар кылаанын курдук
Кыһыл сымара таас
Кырдал үрдүгэр
Уһаты уллуҥахтарынан
14920 Таарыйар таарыйбат
Сүүрэн дэгэйэн киирдилэр.
Хабыллан турар
Хаба ортотугар
Уун-утарыта көрсүһэн,
Томтойор түөстэринэн
Төттөрүтэ анньыһан,
Кэннилэринэн дьиэрэҥкэйдэһэн тиийэн,
Кыырыктаах илбистээх
Кыһыл сымара таас кырдал
14930 Икки мултуйар уһугар
Иҥнэ түһэн бараннар,
Өксөкүлүү үөгүлэстилэр,
Хахайдыы хаһыытастылар,
Иккиттэн биирбит диэн,
Уун-утарыта
Омуннаах үлүгэрдик
Ыстанан кэбистилэр.
Кэтит түөстэринэн кэтиллэ,
Кулун курдук
14940 Куустуһа түһүөхчэ,
Буолан иһэн
Тустуулаах Дьуруо Бөҕө
Сулумах оноҕос курдук
Туора ойоот,
Дьороҕой сототунан
Соһумардык олуйа тэбэн,
Дьэс хаалдьыгыттан
- 352 -