Page 356 - Неизвестное название

Умсары садьыйан кэбистэ.
Салыҥ Кулахай обургу
14950 Киһи эрэ буоллар
Кураанаҕы кууста,
Халтайы харбаата,
Ыйдаҥаны ытыста,
Сыыһа тутан,
Сүһүөҕэ мөҕөн,
Атаҕа адаарыйбытынан
Уллуҥаҕа хараарбытынан
Өлүү Сөгүдү байҕал
Үллэр өрөһөтүгэр,
14960 Өһөҕүрэр долгунугар
Үстэ-түөртэ
Халыахтаан тиийэн,
Төбөтүн оройунан
Кур гына түстэ.
Били гынарын кытта
Хамсыыры харамайы хаалларбакка,
Хара күлүктээҕи ордорбокко.
Тыыппыты тыыннахтыы ыйыстар,
Түспүтү төбөтүттэн уобар
14970 Сойуолаах соллоҥноро,
Дэгиэлээх тиистээхтэрэ,
Мэҥиэстэр бэлэстээхтэрэ,
Амырыын айахтаахтара
Буор булгунньах саҕа
Мустан бүгүллэхтэһэн,
Үрдүк тумул саҕа
Үрдүгэр саба түһэн,
Үрүтүн үөһэ
Үллэҥнэһэ түстүлэр.
14980 Ону көрөн турдаҕына
Уол оҕо барахсан
Мүччүргэннээх сырыытын
Муҥур уһуга
Муҥутуур чыпчаала
Бу дойдуга буолар эбит.
Ону санаан баран
Уҥуоҕа кыйда,
Куйахата күүрдэ,
Этэ саласта,
14990 Иэнэ кэдэрийдэ,
- 353 -