Page 357 - Неизвестное название

Эргийбэтэх киһи дии санаан,
Эргиллэ көтөн,
Хаптаҕай уллуҥаҕынан
Таарыйар таарыйбат
Сүүрэн дэгэтэн тахсан,
Оһоллоох очуос хайа
Мөлдьөрүүннээх мөҥүөнүгэр
Тура түстэ.
Кыһыылааҕын кыайан,
15000 Хатааннааҕын хаптатан,
Өстөөҕүн өлөрөн,
Оһолтон ордон,
Быһылаантан быыһанан,
Өлүүттэн өрүһүнэн,
Үөрэн-көтөн, һуу гынан,
Уоскуйан турдаҕына,
Улаан сиэр аттаах
Охсуһуулаах мөккүөрдээх
Оҕо Удаарын бухатыыр
15010 Уун-утары кэлэн кууһа түстэ:
— Бүдүрүйбэт сүһүөхтээх,
Бөҕө бүлгүннээх,
Түөс күүстээх,
Эрбэх эрчимнээх
Эр бэрдэ, элик үтүөтэ
Эн баар эбиккин,
Айыы хаан аймаҕыттан
Албан ааты ылыаҥ,
Дьоһун сурахха
15020 Түбэһиэҥ! — диэн этээт,
Утары кууһан туран,
Уураан-сыллаан барар.
Ол курдук кинилэр
Уураһан-сыллаһан,
Уоскуйан-намырыйан бараннар,
Үс үөстээх
Өркөн кылыс кымньыыларын
Үөһээ дойдуга
Өрө далбаатыы-далбаатыы
15030 Аттарын үс төгүл
Хоруутуулларын кытта,
Аттара барахсаттар
Сиэллиин нэлэһэн,

- 354 -