Page 359 - Неизвестное название

Кэдэрги байан,
Ытык ыһыаҕы ыһар,
Түөлбэ түһүлгэни
15080 Тэрийэр күнүгэр
Көстүбэт бөҕө
Күтүрдээх уруутун
Көрбүтүн эрэ уобар,
Күөнтэ Хара бухатыыры
Ыһыаҕар сырытыннара
Ыҥыттаран ылбыт үһү.
Ол кэлэн
Айыы хаан аймахтарын
Аһаары аһайбытыгар,
15090 Сиэри сирэйдэммитигэр,
Хаалдьыгынан оонньуур
Хара сүүрүк аттаах
Хапсаҕай оҕо
Хаадыат Мохсоҕол диэн
Бухатыырдарын киэнэ бастыҥа
Күөн көрсүбүтүн
Көстүбэт бөҕө күтүрдээҕэ,
Куду тутар,
Хады харбаан
15100 Өлөрөр-өһөрөр күнэ
Үтүрүйэн кэлбитигэр
Мин эбэм
Кылааннаах өргөстөөх
Кыыс Ньургун бухатыыр
Үрүҥ тыынын өрүһүйбүтэ үһү.
Онон эбит буоллаҕына
Үйэттэн үйэҕэ
Көстүбэт бөҕөттөн көмүскэһэр,
Адьарай бөҕөттөн
15110 Араҥаччылаһар дьон эбиппит.*
Суол дойдуттан
Сөптөөҕүн булар,
Хаан үтүө сүбэбин
Сөбүлүүрүҥ буоллар,
Кэскиллээх этиибин
Кэрэхсиириҥ буоллар,
Сиһин этэ сиппит
Холун этэ хойдубут
Умсулҕаннаах ньуурдаах

- 356 -