Page 360 - Неизвестное название

15120 Оҕо Ньургустай диэн
Балыстаах этим.
Ону кытта
Хол-буут курдук холбоһон,
Хоонньуга сытар
Холоонноох доҕордуу
Буоларгыт эбитэ буоллар,
Батыйа биитин курдук
Барааска майгылаах,
Сүгэ-балта курдук
15130 Сөптөөх дьон
Түбэһистилэр диэн,
Сүрэҕим үөрүө,
Санаам табыллыа этэ,
Ону туох дииргин
Эппиэттээ эрэ,
Нойон киһиэ, — диэтэ.
Онуоха буоллаҕына
Оҕо Удаарын
Сөрү диэн сөбүлээтэ,
15140 Бэркэ диэн биһирээтэ,
Эппитин этэ,
Тыл хард ара турда:
— Дьиэ буо, дьиэ буо!
Үтүө сүбэҕин сөбүлээтим,
Кэскиллээх этиигин кэрэхсээтим.
Эппит тылыҥ
Ис сүрэхпэр,
Итии хааммар
Истиҥник-минньигэстик
15150 Иэйэн-куойан,
Этим сааһынан
Иҥэн киирдэ.
Саҥарбыт саҥаҥ
Саныыр санаабын
Таба таайан
Сайаҕас дьэҥкэтик
Сайа охсон
Санаабын көтөҕөн,
Сэргэхсийэн үөрдүм.
15160 Сириэдийэн олорор
Сиргит ханнаный,
Аатын ааттаа,
- 357