Page 365 - Неизвестное название

Арыйа баттаабыт курдук
Ойдом-сайдам
Аартык устун
Тураҕас ат барахсан
Солоҥдо курдук субуруйан,
15340 Кырынаас курдук кыырайан,
Кулгааҕа чөрөйөн,
Көҕүлэ өрүкүйэн,
Кутуруга субуллан,
Туйаҕа төгүрүйэн,
Ньилбэҕэ күөрэйэн,
Оноҕос курдук уунан,
Сындыыс курдук сыыйыллан,
Иһэр эбит ээ.
Ону көрөөт,
15350 Үөрүү-көтүү өрө тутта,
Дьол-соргу тула кууста,
Сүрэхтэрэ үөрдэ.
Сүргэлэрэ көтөҕүлүннэ.
Быһыйдар быыппастан,
Бөҕөстөр мөтөрүһэн,
Бэртэр мэтэриһэн,
Бастыҥнар матарыһан,
Сырсан сыыдамнаһан,
Тоһуйа тоҕуоруһан,
15360 Тойон Дьоҥсоруун Баай оҕонньор
Тоҕус түллүк кыылым
Тохтообокко тутуспакка,
Дьурулуу сүүрэр дьоруо атым
Таба тэбинэн ааспат
Дьулусханнаах дьолуо маҕан
Тусаһатын ортотугар,
Тойон баадай
Сэргэтин төрдүгэр,
Тэһиин тутан
15370 Сэттэ уон дьэһиэлдьиттээх,
Аҕыс уон арыалдьыттаах,
Тоҕус уон дьоһуолдьуттаах,
Уруйдуу-айхаллыы турдулар.
Сэттэ былас суһуохтаах
Нэлэмэн Куону
Сир сибэккитин курдук
Ситэрэн симээн,

- 362 -