Page 366 - Неизвестное название

Дайды чараҥын курдук
Наҥначчы таҥыннаран,
15380 Тус иннигэр
Нусхаччы күөгэччи
Туруоран кэбистилэр.
Тустуулаах Дьуруо Бөҕө
Нэлэмэн Куону кытта
Утарыта куустуһан туран,
Үөһээ-аллараа уостарыттан
Үстүү хамыйах хааны
Суптурута оборсон,
Дуоһуйуохтарыгар диэри
15390 Чуубурҕаччы уураһан,
Сылайыахтарыгар диэри
Сырылаччы сыллаһан,
Бүтэллэрин кытта
Аан чэчирдэрин аһан,
Түөлбэ түһүлгэлэрин тэрийэн,
Уйгулаах ыһыахтарын
Ыспытынан бардылар.
Уһаты уойуулааҕы охтортоон,
Талыы баайтаһыннары тарылытан,
15400 Кур эмистэри күөлэһитэн,
Толомон оҕустары тобуктатан,
Тэҥнии сэттэлиини тиэртэлээн,
Атахтаһа аҕыстыыны адаарытан,
Субуруччу тоҕустууну субурутан,
Суон сааллааҕы кэрчиктээн,
Халыҥ хаһалааҕы хайытан,
Тутум нохоолооҕу отойон,
Суорбан тастааҕы тыыран,
Суон мүһэлэри бысталаан,
15410 Өлгөм үтэһэни үөлэн,
Ac бөҕөнү адаарыччы астаан,
Күөс бөҕөнү
Күдүөрүччү күөстээн,
Көйөх кымыһы
Куугуначчы кутан,
Күөгэччи туруоран,
Саамал кымыһы
Дьалкыччы тардан,
Сибиин сүөгэйи
15420 Сүрүлэччи сүүрдэн,
- 363