Page 388 - Неизвестное название

Тута баттаан сонордуохха,
Аты харыстаама,
Айаҥҥын бытаардыма,
Ситтэрбит эрэ
Силлибэт сириттэн ылыахпыт,
Туттарбыт эрэ
16330 Туллубат сириттэн тутуохпут,
Батыһыаххынан батыс,
Эккирэтиэххинэн эккирэт, — диэтэ да,
Арҕаа халлаан
Алын тардыытын диэки
Аҥардам, Аҥардам,
Аҥардам сүүрэн,
Аҕыйахта көстөн,
Мэлис гынан хаалла.
Тустуулаах Дьуруо Бөҕө
16340 Этэ тарта,
Иэнэ кэдэрийдэ.
Харбанан көрбүтэ —
Халтаҥ буолла.
Туттан көрбүтэ —
Соҕотох буолбут.
Нэлэмэн Куота
Биирдэ мэлис,
Соҕотохто суох,
Хайыы-үйэҕэ
16350 Халты харбаппыт,
Туура туттарбыт эбит.
Уолуйда-соһуйда.
Өксөкүлүү үөгүлээтэ,
Хахайдыы хаһыытаата,
Хачыгыраччы хабырынна,
Чыыбырҕаччы чыпчырынна,
Аҥардам бухатыыр
Барбыт сирин диэки
Атын салайа баттаан
16360 Тардан кэбистэ.
Сындыыс курдук кымньыылаата,
Чаҕылҕан курдук дайбаата,
Уҥуох тосторунан ойутта,
Сүрүн быстарынан сүүртэ,
Силгэ уунарынан тэбиннэрдэ,
Солоҥдо тураҕас ат барахсан
- 385 -